平海的夜晚很多星星!（原创）

-------惠州双月湾游记

“啊Ken，醒着未？”早上8点半接到好基友阿D打过来既电话。

“醒着了，而家系度执紧屋啊（已经晤记得上次是几时搞过卫生了）”。

“执屋？你无野啊？！你个狗兜仲使咩执啊！哈哈

……（电话里头传来一阵愕然的笑声）

惗好去边度未？”阿D问，

我话：“去平海咯，好唔好？”

“平海？是咪你上次同我讲过过个地方啊？”阿D问

“是啊，过边既夜晚好多星星啊

……”我话

10 点半，我地两个饮完“早茶”，系一曲一曲艾薇儿《keep holding on》欢快既音乐伴奏下开始着 今日既行程。我地商量轮流抓车，我熟路，且喜欢飚高速，由我先开，落高速后再由阿D开，开头惗住行广惠高速，但惗到行广惠会有好多摄像头，有D路段开90KM 都会被拍到超速，我有唔少 朋友之前就领过野（吃过亏），开车去完惠州游玩翻来，除着例牌带回来一D客家手信，仲送埋一堆“牛肉干”（高速违章罚单），所以今日决定先是避开广惠 行广深，然后转机荷高速，上深汕高速后直飞平海。

平海，是惠州市惠东县管辖下面既一个镇，距离广州大概 有220公里左右，好多人都听过或者去过惠州既巽寮湾，但是唔一定知道平海，其实两者都是系巽寮半岛，一个前者系西面，后者系东南面，我以前去过巽寮湾，知道过边既 海滩好靓，有金色海滩美誉，但而家国庆去海滩应该会爆棚，好多人都会转投过来平海玩，印象当中既巽寮湾属于开发得比较早既， 商业味比较浓，好多时候车未停低，就已经有人问你收钱了，无论是酒店大排档既老细亦或是路边卖 杂货店走鬼，距地都好精，就是要赚你既钱，搞到旅游好似变晒质甘，我唔中意过仲感觉，平海就相对原始了，距系巽寮湾既另外一边，基本上无点开发过，我旧年五一后去过一次，过阵去到个海滩都无咩 人，住佐一晚，最令我难忘既莫过于南门海对出过度既海滩是天然的，无点经过人工既雕琢，沙粒好细好柔和， 可以系上面踢足球同玩沙滩排球，晴空下训系海滩上一边听住海既声音一边望着漫天既星星，感受下 海既气息，真是人生既一大享受，仲有港口镇渔村既海鲜，意犹未尽。

“阿D,你来平海想做咩啊？”我问

“行到水穷处，坐看云起时！”阿D答。

“甘你霖我是来做咩啊？”我又问

“施主，你做着甘多衰野，跳落黄河都洗唔清，而家是来平海跳海洗清罪孽咯” 阿D调侃答，我直接一肘。

到着大概中午1点，开着两个几钟，响白云收费站落着高速，来到惠州既稔山镇，阿D问我， “稔山”个“稔”字是咪读nian，我话是读ren（因为我第一次来过阵，就查过尼个字），距唔 信， 我觉得有D口渴，想饮水，就同他打赌，输着过个人要落去买水俾另外一个人饮，他忍唔住真是停着车落去问当地 人，结果翻来过阵就灰溜溜甘带翻两支水。

换着由阿D抓车，我趁机透翻下，音箱里传来了刘德华既《牧笛》，路上见到着好多粤A车系度 排队前行，其中有部车上既一个带住顶维尼熊帽既小朋友系距妈妈既帮扶下向我招手，顿时有D他乡 遇故知既感觉，我都礼貌甘回翻个礼俾距,其实去旅游就是甘，无非就是眼睛既旅行，心灵既放松，唔 一定要行到好远，就系身边，都到处充满美，就差在你有无发现美既眼光，就好似台湾作家席慕蓉讲 既：“旅途中往往行人的一个善意的眼神或者微笑就已经令到你很开心”，何况而家有人向你招手啊。

沿住稔山往汕尾既国道一直行着十几公里，一路上都是去海边既车，心霖如果距地都是去平海既话就畀了，到时肯定好难稳到房住，过着无耐见到有两个分叉路口，路牌标示一边是去巽寮湾，而 另外一边是去平海，我地转入着往平海既入口，路面变窄着好多，变为两车道，路上既车即时少着好 多，心情又轻松翻小小，两旁伫立既椰子树同远处叠起既山峦交相辉映相继映入眼帘，金黄既麦穗夹 同路边既野花香夹带住泥土既气息迎面扑来，我忍唔住摇低车窗，关着空调，静静甘聆听昆虫同鸟儿 既叫声，深深甘吸着啖新鲜空气（当然，里面亦都有牛屎既味道）。

又行着二十几分钟，终于到着平海镇了，尼度处处挂住彩旗，行前一睇原来是为着庆祝今年既 第七届平海古城文化节，后来先知道原来平海尼个地方有好长历史噶了，其中有一座古城有600几年 历史，城门同城堡都保留得几完整，真是好难想象，从刚才既过个好细既分叉路口入来，居然有甘热 闹镇墟，第一次来既话真是有D陶渊明讲既，豁然开朗既感觉，但是我地已经顾唔上看了，林住先稳 房住低先，系平海镇墟既一间农业银行旁边既一条小路入去，兜着几个湾经过一条崎岖颠簸既泥路之后，出现系面前既就是长长既海滩同一片蔚蓝既大海了（南门海），我心情大悦，就好似见到好耐无见到既朋友 甘，好想即刻就落去游翻下，于是马上开车到旧年住过既南海酒店（无敌海景），来到停车场见到大 概十几部粤A,粤B,粤S车停系度，应该都是一家人来度假的，点知去到前台话无房了，我地唯有换过 间，继续开去前面既云海酒店（成条路上得尼两间酒店，节假日先有人来，平时好少）

好彩三楼仲有一间双人房，开房住低，训系张床度先觉得累，林住都是训翻下先落海游水。 训到四点几，拉开窗帘，见到下面既海滩已经有人系度游紧，远远望去大概有十来个人，当中 有大人有细路哥，海浪翻滚，好热闹甘，我热着下身就迫不及待甘换好泳裤落去游着一轮，开头仲同

阿D打水仗，打打下，其他游客都加入着我地既战斗，迎着海浪冲着上去，又被冲翻来，又冲上去，……

游完海水，觉得成个人爽着好多甘，之前绷紧既肌肉即时放松晒，系沙滩透过阵见到着沙滩上 面有好多贝壳，颜色好靓，人潮褪去，系静静既海滩上面，原来距地先是真正既主角，我而家先明 白，有点野是唔可以带走的，带走着就唔靓了，就好似距地甘，原本就是属于尼片沙滩……见天色已 晚，加上舟车劳顿，我觉得当然要饱餐一顿好好慰劳下自己，做人既野好好爱锡自己然后先可以好好 爱锡别人。换好衫，我地开车去港口吃海鲜，静寂既黑夜只有我地既车在狭小既柏油上开住，只留下 张镐哲既《好男人》系夜色当中回荡……

“ 阿D，你觉得点样既男人先是好男人啊？”我问。

“好似我甘样咪是一个好男人咯”。阿D话

“哈哈！

你？海水入着大脑啊？

哈哈！！你边度好啊？成个浪子甘，静是识话吃光花光身 体健康”我很不屑地讲。 “系而家尼个社会，作为男人自己来讲， 识得稳钱，识得生活，识得享受，是好男人，对于女人 方面，识得去锡距，了解她，爱她，唔使她担心，是好男人。”阿D赖深沉甘讲。

“看车啊，好男人！！”我提醒.(路旁有个骑单车的)

行着半个钟，来到着港口镇，之前来过一次尼度是因为有个惠州既朋友带我过来，过次距岩 好有几个香港既朋友过来尼边玩，我地一起过来吃海鲜。关于“吃野”尼个问题，我觉得以前细个过 阵是最开心噶，觉得吃野是无咩所谓噶，反正好吃既野就摆落口，无乜讲究，大个着做野之后，由于 工作环境接触既人多着，先知道，原来吃野是好讲究的，要睇下同乜野人去吃，系乜野环境下面吃， 吃乜野，点样吃，讲乜野，太多要讲究了，但是同阿D就唔使理会甘多，无拘无束，或者朋友既相处 就应该是甘，讲翻转头，尼个地方比较难稳，是系村里面既小巷子当中，我大概记得系叫做“海边人 家”，稳着好耐下，我先至稳到着入村过个牌坊（过边有好多类似既牌坊），停车后又响村里面系甘

兜，卒之俾我稳到棵榕树同个大剧院对住过条小巷，入到去就见到“海边人家”半黑半明既灯箱，听 朋友讲尼条村是潮汕村，村民都是讲鹤佬话，有好多年历史了，“海边人家”尼间店都是鹤佬人开既，木式小 房，分上下两层，住家式经营，有鹦鹉螺，河豚鱼（水泡鱼），虾蟹等新鲜海产，秘制既调料做出来既 海鲜好有渔家既特色，特别有嚼头，老细之前只是用来招呼村民同距D亲朋戚友，但是后来人带人， 好多识稳食既人都会稳到来尼度，我同阿D就是属于此类，我地入到去，见到里面五张台都坐满人， 于是顺住木梯上着二楼，又是五张台满座！旺到离晒谱！于是我问着个端菜既阿姨，问她仲可唔可以 开多张台，她摇下头话听唔明我讲乜，我又用普通话同她讲，她都是话唔明就行开着，搞到我好似出 着国甘，鸡同鸭讲，后来我直接走着去厨房，问个炒菜既师傅（个样成个郑伊健甘样，后来先知道他是老细），他识讲白 话，他问我边度来既，我话好远，之后他又问我有无订位，我话无，但是上次来过噶，尼次是专程来 你尼度吃海鲜噶，距就话你等下啦，等其他台既走着你再坐低。

于是我同阿D沿住条小巷一直行到海 边，见好好多只小渔船停晒系码头度，一D老人家在岸边写意地聊天，天上既月光照到海面上再反射 到渔船上，心里不禁一叹：好一条安静祥宁既渔村！行着大概十几分钟，我地真是好鬼肚饿了，又行 着翻“海边人家”,居然仲是无位，老细有D唔好意思，距话我带你地去我个女过边啊，距话他个女嫁 人之后自己开着一间饮食店，就系隔离条巷，吃既海鲜品种同做法都一样噶，你地可以去试下，系距 指点下，我地来到距既女开过间，一进去，距女就问我之前距老豆问过既野，意思都是无定位就无位 啦，我话是距老豆带我地来既尼度，距先肯开着两个位被我同阿D坐低，周围既人都眼金金甘望住我 地，我心林，我来吃野嗟，使唔使搞到好似来买白粉甘啊，下一步可能有密码或者暗号先开门噶了， 唔理3721了，点野吃先，我拿拿声跟住个老板娘来到出边既厨房，见到一只只家用既木桶里面装住岩 捕获上来各类海鲜，我地点着水泡鱼干滚萝卜汤、红焖鲨鱼肉、姜葱炒蟹、剁椒鱿鱼仔、椒盐濑尿 虾、炒花蟹、炒花甲同鹦鹉螺、再叫上两支冰冻既饮料，我见阿D吃到喋喋声，不时甘讲话下次仲要 来过，仲叫阿姨加着两大碗白饭，吃完买单先160蚊，我同阿D愕晒然，（唔是话？甘抵？系珠海或者 阳江，甘食法最少要三四百）老板娘以为我地话她计多着，仲好认真甘同我地重新计着一次，无计 错，就是160蚊，我同阿D对视笑着下，卖单走出门口，总体来讲，性价比好高，尤其是配制着秘制酱 汁炒出来既新鲜海鲜，干身爽甜之余好能衬出海鲜既鲜味，一个字“正”！如果非要加多两个字 就是“好鬼”！

晚上大概9点左右，我地从港口开车翻去平海，耳旁响起着《绿岛小夜曲》，条路好黑，两边 都是树同高草，除着车灯同对面既来车之外就见唔到有其他既光源，唔敢开得太快，行到半路，见到 有一对热恋中既一男一女骑住部女装摩托车，部车开得好慢，个女坐后面，双手紧紧地抱住距男朋友 既腰，个头就贴系距男朋友既背度，此时此刻距地是几甘甜蜜几甘温馨，或者好多年之后距地都会记 得曾经有过一个甘样既夜晚，我系度林点解个男主角唔是我呢？系广州禁摩既年代，尼种情形只能系 屋企看韩剧先见到，隔离阿D拧拧头，苦笑吐出一句：“唉，又是两个青头仔青头妹。”

蔡琴一曲《恰是你的温柔》将我地带翻到平海。 海滩依然是过片海滩，但是唔同既是海滩上面漆黑既夜空中点缀着好多星星，一粒粒得意甘闪 下闪下甘，除着鞋，挽起裤脚，系星空漫步沙滩，吹住徐徐既海风，听住翻滚既海浪拍打声，有D令 人翻到着久违着既童年，沙滩上面早有已经有D人各自为营，有放孔明灯既，有烧烟花，亦都有烧 烤，打牌，我仰望住天上的繁星，心林如果我系度弹钢琴会晤会吓亲距地呢……